Samstag, 21. März 2015

E magjishmja poezi

Nga Haxhi Muhaxheri
 

Dritën ia vodha diellit
Hënës bukurinë

Fillikat
udhëtova planeteve
e luftë ju shpalla Perëndive

Pastaj...
për vrimë të gjilpërës
e kalova detin

Vdiqa e linda
disa herë për Ty

Por...
prapë e virgjër mbete
e loze me mua 
si me një fëmijë

Ti... e dashura ime
E magjishmja poezi


21. 03. 2015 

__________________

Komente nga lexuesit dhe miqtë në Facebook

Ragip Kçiku:
Zanati më i dhimbshmi ku rrëfehet shpirti poet i nderuar Haxhi Muhaxheri!

Pal Ndrecaj:
Nji poezi e mire qe shpreh per bukuri lidhjen e misherimin e poetit me artin!

Hamit Taka:
Brilante. Binjakeria e poetit te talentuar me plazmen e vet, poezine.

Anastas Nika:
Vargje qe shprehin sakrificat tuaja te panumerta ne kufij te se pamundures per te dashuren tuaj , poezine,...dhe prape ajo mbeti e virgjer ne shpirtin tuaj.Por Poeti lufton ta beje te tijen gjer ne frymen e fundit poezine...

Spiro Naqo:
E mrekullueshme! Pak vargje e shumë mendime! 

Imri Trena:
Nuk ka thën kot Gëte: "Është e bukur ta shohësh botën, po sidomos botën e poetëve".

Keine Kommentare:

Kommentar veröffentlichen